Ég er framandlingur hér á jörðu

Í mörg ár hefur það verið mér fullkomin ráðgáta hvað ég sé eiginlega að gera á þessari plánetu.

Mér finnst ég bara hvergi eiga heima hérna. Mér líður eins og aðkomumanni sem villst hefur langt af leið frá heimili sínu og hefur ekki hugmynd um hvert hann á að snúa sér.

Og ennfremur finnst mér hérumbil öllu öðru fólki ganga miklu betur en mér að fóta sig í jarðneskri tilveru.

Orð Lao-Tse í Bókinni um Veginn eru sem töluð úr mínu hjarta:

"Ég er einmana og yfirgefinn, eins og ég ætti hvergi heima. ( . . . ) Aðrir menn ljóma af hyggindum; ég einn er heimskur. (. . .) Allir aðrir hafa eitthvað að starfa; ég einn er duglaus og klaufalegur."

Athugasemdir

[Steinunn Helga Sigurðardóttir, 3.7.2008 kl. 21:02]

ég þekki þessa hugsun .

en ég hef fundið mig hérna á jörðinni, og fundið að hluta til mitt hlutverk.

Gangi þér vel kæri bróðir.

steina